Målgruppe:

• Heimebuande eldre
• Personar med ulike kroniske sjukdomar eller funksjonshemmingar
• Personar med psykiske lidingar
• Personar i institusjon som fyller kriteria for plass
• Avlastning for pårørande (der brukar har nytte av tilbodet)

Tenesta kan gis ved:

• Solstua, Fræna Sjukeheim og Omsorgssenter, Elnesvågen.
• Auretunet dagsenter, Auretunet, Aureosen.
• Kaffistova, Farstad Aldersheim, Farstad.
• Hagekroken, Lundhaugen Omsorgssenter, Bud
• Svanetunet interkommunale dagsenter, Eide
• Aktivitetshuset, Elnesvågen

Lovgrunnlag:

• Dagsenter som omgrep er ikkje direkte heimla i noko lovverk, men Sosialtenestelova § 3-1 omhandlar generell førebyggande verksemd som seier at:

 "Sosialtjenesten skal gjøre seg kjent med levekårene i kommunen, vie spesielle oppmerksomhet til trekk ved utviklingen som kan skape eller opprettholde sosiale problemer, og søke å finne tiltak som kan forebygge slike problemer.

Sosialtjenesten skal søke å legge forholdene til rette for å utvikle og styrke sosialt fellesskap og solidaritet i nærmiljøet.

Gjennom informasjon og oppsøkende virksomhet skal sosialtjenesten arbeide for å forebygge og motvirke misbruk av alkohol og andre rusmidler, og spre kunnskap om skadevirkninger ved slik bruk

Sosialtjenesten skal arbeide for at det blir satt i verk velferds- og aktivitetstiltak for barn, eldre og funksjonshemmede og andre som har behov for det" (sitat slutt).

Tenesta inneber:

• Tenesta har ein eigenandel som blir revidert kvart år. (Gjeld ikkje Svanetunet interkommunale dagsenter og Aktivitetshuset)

• Dersom du ikkje kan komme deg til dagsenteret ved eiga hjelp, vil du bli henta til avtalt tid. Du får og skyss heim etter dagsenteropphaldet.

Aktivitetar er blant anna:

• Avislesing
• Trim: individuelt og /eller i gruppe
• Sang og musikk
• Formingsaktivitetar
• Spel
• Ulike samankomstar: "open dag", "prestens time"/ andakt, basar,
• Turar
• Besøk på biblioteket
• Kafèbesøk
• Moglegheit for hår- og fotpleie til fastsett pris(dersom dette finst  på staden),
• Fysioterapi /ergoterapi
• Måltid 
• mm

Kriterie /vilkår:

• Brukar har nytte av eit aktivitetstilbod
• Brukar har behov for å komme ut av einsemd og ta del i sosialt samvær
• Brukar har behov for sosial trening
• Brukar må helst vere sjølvhjulpen ved måltid og toalettbesøk
• Brukar har behov for, og kan gjere seg nytte av, fysisk og / eller mental trening
• Særskilte vilkår gjeld for det dagsentertilbodet vi kallar "Onsdagstilbodet" (1 dag for veka, lokalisert til Solstua dagstue): Tilbodet vert primært gitt til brukarar under 65 år.
• Brukar må kunne ta del i, og ha nytte av, ulike grader av samhandling i gruppa, og sjølv kunne bidra til at dette vert eit "aktivt" og populært tilbod.

Kva  kan brukar/pårørende vente av tenesteytar:

• Å bli møtt med høflegheit og respekt
• At avtalar blir haldne, og at det gis melding dersom avtalar må flyttast
• At teieplikta blir overhalde
• At det blir arbeidd for å få fram den enkelte sine ønskjer og behov.

Kva blir venta av bruker/pårørande:

• At brukar/pårørande møter tenestytarane med høflegheit og respekt
• At du/de bidreg til  å ta vare på eiga helsa og utnyttar eigne ressursar
• At brukar/pårørande held avtalar, og å gir melding dersom avtalar må flyttast
• At du som brukar/pårørande samarbeider med tenesteytaren om mål og tiltak
• At du utfører dei funksjonar som du sjølv kan klare
• At du er med og skaper eit godt miljø
• Viss du er nøgd med tenesta; sei det gjerne til alle. Er du misnøgd; ver snill å sei frå til tenesteytar (eller andre i tenesteapparatet)

Betaling:
1. Kr 90 for kvar dag
2. Kroner 29 for kvar dag for dei som bur i omsorgsbustad hjå Lundhaugen
3. For transport kroner 16 pr tur (Tur/retur kr 32)
4. Ansvarleg tilsett på dagsentra får i oppgåve å fylle ut eit likt skjema som vert oversendt til rekneskapsavdelinga for innkrevjing.

Korleis går du fram for å søkje?

 Søknadsskjema er lagt ut på kommunen sine nettsider under skjema, med tittel "søknad om helse og sosialtenester". 

Du kan også få søknadsskjema ved å vende deg til:

Fræna kommune, Sørviskontoret  SENTRALBORD: Tlf. 71 26 81 00

Søknad må vere underskriven av den søknaden gjeld. Dersom du har behov for bistand kan du   kontakte kommunen, eller du kan be andre  hjelpe deg. Dersom andre søkjer på vegne av deg, må dei ha fullmakt.

Ein kan få tilbod om ei "prøveperiode" eller "kartleggingsperiode" dersom ein er usikker på om dette er det rette tiltaket.

Søkaren mottek førebels svar på sin søknad med opplysningar om berekna tid for sakshandsaming innan tre veker etter at søknaden er motteken.

Klageadgang

Eventuell klage på vedtak vert å sende skriftleg, innan tre veker etter at du mottok vedtaket, til Fræna kommune, forvaltningskontoret.

I klagen må du greie ut om kva forhold det er du klagar over. Du bør beskrive kva du ønskjer endra, og grunngje dette. Kommunen vil kunne rettleie deg. Dersom kommunen held fast ved avgjerda si, blir klagen send vidare til Helsetilsynet i fylket.

Som mottakar av helsetenester kan du klage på sjølve utføringa av tenesta. Klagen skal først sendast til næraste leiar til tenestytaren for at det skal vere mogleg å løyse saka på rett nivå.

Kontaktadresse:
Heimebaserte tenester, Fræna helsesenter,6440 Elnesvågen eller Forvaltningskontoret som er å finne på rådhuset.